Kann Film Festivalının Jüri Prezidenti George Miller Oldu

Kann Film Festivalının bu ilki jüri prezidentliyi Avstraliyalı rejissor George Miller’ə həvalə olunacaq. Festival 11-22 mayda təşkil olunacaq.

Miller, daha çox 1979-cu il istehsalı olan və baş rolunu Mel Gibsonun oynadığı “Mad Max” filmi ilə tanınır.  Bu film böyük maraq doğurmuş və Mel Gibsonun tanınmasında əvəzsiz rol oynamışdır.

Eyni zamanda öncəki filmləri ilə fərqli kateqoriyalar üzrə Oscar mükafatı qazanan 70 yaşlı rejissor və senarist Miller Kann Film Festivalında prezidentlik edəcək ilk avstraliyalı olacaq.

Miller, filmlərində daha çox görüntü cəhətdən zəngin və populyar nümunələr təqdim edir.

Onu da qeyd edək ki, festivalın keçən ilki prezidentliyini senarist və rejissor Joel və Ethan Coen qardaşları icra etmişdi.