1 Aprel Zarafatının Mənşəyi


1 aprelRoma İmperatoru Julius Caesar (Sezar) miladdan əvvəl 46-ci ildə təqvimin başlanğıcı olaraq Yanvar ayını elan etsə də, 16-cı əsrin ortalarına qədər Avropada yeni il ənənəvi olaraq, baharın başlanğıcı kimi qəbul edilən, Mart ayının 25-ində qeyd olunurdu.

1564-ci ildə Fransa kralı IX. Charles, təqvimi dəyişdirərək il başlanğıcını Yanvar ayının birinci günü etdi. O dövrdə bəzi insanların bundan xəbəri olmadı, bəziləri isə bu qərara etiraz etmək məqsəd ilə köhnə adətlərinə davam etdilər. Aprelin 1-də yığıncaqlar təşkil edib, bir-birlərinə hədiyyələr verdilər.

Digərləri isə bunları Aprel axmaqları olaraq xarakterizə edib bu günə ‘Axmaqlar Günü’ adını verdilər. Bu gündə digərlərinə sürpriz hədiyyələr verdilər, yalançı yığıncaqlara dəvət etdilər, reallaşması mümkün olmayan xəbərlər yaydılar.

İllər sonra təqvimin ayları müəyyənləşdikdə – Yanvar ayının ilin ilk ayı olduğu başa düşüldükdə isə Fransızlar 1 Aprel gününü öz mədəniyyətlərinin bir parçası olaraq görməyə başladılar. Adəti getdikcə zənginləşdirərək və yayaraq davam etdirdilər. Bu adətin İngiltərəyə çatması təxminən iki əsr sonra baş verdi, oradan da Amerikaya və bütün dünyaya yayıldı.

Rəylər

İlk rəyi yazaraq fikrinizi bizimlə paylaşın.

RƏY BİLDİR