bilgibazarı

Dünyanın üstü açılmamış ən sirrli cinayəti-“Tamam Shud” cinayəti

Dünyada hələ də üstü açılmamış bir çox cinayət hadisəsi var. Bunlardan biri də “Tamam Shud” adı ilə bilinən cinayət hadisəsidir.
скачанные файлы
1 dekabr 1948-ci ildə 06.30 radələrində Avstraliyanın Somerton sahilində bir cəsəd tapıldı. Ölü olaraq tapılmış 40-45 yaşlarında olan bu adam uzun bir zaman polisləri məşğul etdi. Cəsəddən diş və dırnaq nümunələri götürüldü. Ölən adamın həmin bölgədə yaşayan biri olmadığı qənaətinə gəlindi.
52820
Taman Shud Code 5
 Havanın çox isti olmasına baxmayaraq ölən və ya öldürülən şəxsin üzərində çox qalın paltarlar var idi. Üzərindəki bütün paltarların etiketləri sökülmüşdü. Naməlum şəxsin papağı yox idi. “Papağı niyə yox idi?” sualını verəcək olsanız buna belə cavab vermək olardı. 1940-ci illərdə kostyum geyinən hər bir kişi mütləq özü ilə  papaq da gəzdirərdi. Lakin ölən şəxsin yanında papağın olmaması, polis üçün qeyri-adi idi. 40-45 yaşlarındakı cəsədin üzərində şəxsiyyəti təsdiq edən heç bir sənəd yox idi. Cəsədin ciyərləri və ürəyi tamamilə tıxanmış, dalağı isə normaldan 3 dəfə çox böyümüşdü.  İlkin baxış zamanı onun zəhərlənərək öldüyü məlum olmuşdu, amma onun belə zəhərlənməsinə nəyin səbəb olduğu müəyyənləşdirməmişdi. Cəsədi analiz edən həkimlərdən biri onun ayaqqabısının çox təmiz olduğu və sahildə gün boyu gəzən biri olmadığını öz rəyində bildirmişdi. Polisə görə naməlum bu şəxsin ayaqqabıları çirklənməli idi. Çünki onun cəsədi sahildə tapılmışdı. Ayaqqabıların təmiz olması “naməlum şəxsin öldürüldəkdən sonra sahilə gətirildiyi” məsələsini ortaya atdı.
52821Cinayətlə bağlı ən qəribə məqam isə onun üzərindəki paltarlardan birinin gizli bir cibi olması idi. Belə ki, həkimlər onun paltarlarını yoxlayarkən həmin gizli cibi və o cibdən də bir kağız parçası tapdılar. Kağız parçasında “Tamam Shud” sözü yazılmışdı.
52822
Həkimlər kağız parçasını polisə verdikdən sonra, “Tamam Shud”sözü ilə bağlı kiçik bir araşdırma başladı. Məlum oldu ki, kağızda yazılan “Tamam shud” sözü (“Bitdi, tamamlandı”) Ömər Xəyyamın “Rübailər” kitabındakı son səhifədə istifadə olunan sözdür. Polis cinayətin üstünü açmaq üçün ölkədə olan Ömər Xəyyamın “Rübailər” kitablarını axtarmağa başladı və kağız parçası ilə bağlı qəzetlərdə elanlar verildi.
52823
Qəzetlərdə verilən elanlardan bir gün sonra vətəndaşlardan biri polisə qəribə bir məlumat verdi. Park vəziyyətində olan avtomobilinin arxasından  Ömər Xəyyamın “Rübailər” kitabını tapan şəxs, polisə bu barədə məlumat verdi.
52824
Polis kitabı incələyərkən məlum oldu ki, son səhifədə bir neçə cümlənin olduğu hissə cırılıb. Cəsədin üzərindən tapılan kağız parçası avtomobildən tapılan kitabın son səhifəsinə uyğun gəlirdi. Polis həmin kağız parçasının məhz bu kitabdan qoparıldığı qənaətinə gəldi. Bundan əlavə kitabın arxasında böyük hərflərlə anlaşılmaz bir neçə söz yazılmışdı. Həmin sözlər aşağıdakılardır.
52825
52826
Yan-yana düzülmüş bu hərflərin nə məna verdiyini anlamaq üçün polis kod mütəxəsislərinə müraciət etdi. Kod mütəxəssiləri hərflər yığınının həqiqətən də bir kod olduğunu və təsadüfən yazılmadığı bildirdilər. Onların fikrincə bu kodun Ömər Xəyamın rübailərinin biri ilə bir bağlılığı var. Lakin bütün bular cinayətin üzərindəki qaranlıq pərdəni götürə bilmirdi.
52827
Cəsədlə bağlı araşdırmalar davam edərkən, polis kitabın səhifələridən birində bir telefon nömrəsi tapdı. Telefon nömrəsi cəsədin tapıldığı yerə çox yaxın olan bir məhəllədə, yalnız yaşayan bir tibb bacısına aid idi.  Polisə bir neçə saat ifadə verən tibb bacısı onun ev nömrəsinin niyə kitabın səhifələrindən birində olduğunu bilmədiyini dedi. Lakin uzun söhbət zamanı tibb bacısının danışdığı bir hadisə polisi heyrətləndirdi.
52828
 Belə ki, tibb bacısı İkinci Dünya Müharibəsi zamanı Sidneydə çalışarkən bu kitabdan birinə sahib olduğunu və həmin kitabı da münasibətdə olduğu Alfred adlı bir zabitə verdiyini dedi. Sərbəst buraxılan tibb bacısından sonra polis, qısa araşdırmadan sonra Alfred adlı zabiti çox rahatlıqla tapdı.
52829
 Alfredin evinə baxış keçirilərkən onun sahib olduğu kiçik kitabxanadan hədiyyə olaraq verilmiş Ömər Xəyyamın həmin kitabı tapıldı.  Lakin kitabı incələyən polislər növbəti şoku yaşadılar. Belə ki, hədiyyə olaraq verilmiş bu kitabın son səhifəsindəki “Tamam Shud” yazılmış həmin hissə də qoparılmışdı. Cəsədin üzərindən tapılan kağız parçası bu kitabdakı qoparılmış hissə ilə də uyğun gəlirdi. Polisin əlində bir cəsəd, bir kağız parçası və iki eyni kitab var idi. İfadəsi alınan tibb bacısı və Alfred şübhəli olaraq görülmədikləri üçün onlar sərbəst buraxıldılar. Tibb bacısı və zabitin ümumiyyətlə hadisədən bixəbər olduqları aydınlaşdı. Lakin bir aya yaxın bir müddət idi ki, araşdırma aparılsa da heç bir nəticə əldə edilməmişdi.
Araşdırmanın davam etdiyi bir zamanda tapılan bir çanta isə polisi yenidən hərəkətə keçirdi. Belə ki, 14 yanvar 1949-cu il saat 11.00 radələrində Adelaide stansiyasında qatara buraxılmış naməlum bir çanta tapıldı. Çantanın içərisindən gündəlik istifadə olunan geyimlər, fırça, qayçı, bıçaq və digər əşyalar çıxdı.
somerton-man-detectives-and-suitcase
somerton-man-suitcase
52830
Lakin geyimlərin üzərindəki bütün etiketlərin qoparılması, sahildə tapılan kişi cəsədinin çanta ilə bir bağlılığın olmasını göstərirdi. Çatnadakı əşyaların demək olar ki, heç birinin üzərində etiket yox idi. Yalnız bir parçanın kənarında “T. Keane” adı yazılmışdı.
52831
Polis bu sözü əsas götürərək sahildə tapılan cəsədin adının Keane olduğu qənaətinə gəldi. Lakin Keane adlı birinin o civarda yaşamadığı və belə bir insanın itməsi ilə bağlı heç kimin polisə müraciət etmədiyi məlum oldu. Geyimlərin çox təmiz olması səbəbi ilə polis, ölkədəki bütün çamaşırxanaları araşdırdı. Lakin heç bir nəticə əldə edilmədi. Cinayətin üstü açılmadığı üçün polis, son olaraq öz fərziyəsini irəli sürdü. Belə ki, polisə görə çantada tapılan geyimlərdəki tikiş forması ABŞ-a uyğun gəldirdi. Güman edildi ki, həmin şəxs ABŞ vətəndaşıdır və “Tamam Shud” adlı kağız parçasını cibinə qoyaraq intihar edib. O hansısa zərərli bir maddə içərək intihar edib. Lakin polisə görə, naməlum kişi intihardan öncə hamamda cimib və traş olub. Daha sonra isə Henley sahili istiqamətindəki bir qatara bilet alıb. Lakin hansısa səbəbdən o, qatara geçikib və çantası qatarda qalıb.  Somerton sahilinə gələrkən isə zəhərin təsirindən həyatını itirib….
Bu iddialara baxmayaraq cinayətin üstü hələ də açılmayıb. 1948-ci ildə sahildə tapılmış həmin şəxsin məzarı isə, hal-hazırda Somerton yaxınlığındakı bir məzarlıqdadır.
52832
bilgibazari
ZİYARETÇİ YORUMLARI - 3 YORUM
  1. Anonim dedi ki:

    Xoşqədəm xanlm olsaydı mütləq tapacaqdı(ciidi olaraq deyirəm) o qadının məharətinə heç kim çatmaz

  2. Rain dedi ki:

    Magnificent web site. Lots of helpful information here. I’m sending it to some pals ans adaniiotdlly sharing in delicious. And obviously, thank you to your effort!

BİR YORUM YAZ