İsti İçkilər Xərçəng Yarada Bilərmi ?

İsti qəhvə içməyin dəqiq olaraq xərçəngə səbəb olub-olmadığı haqqında dəqiq bir məlumat olmasa da, Dünya Sağlamlıq Təşkilatının yeni araşdırmalarına əsasən çox isti içkilər xərçəng yarada  bilər. Beynəlxalq Xərçəng Araşdırmaları Agentliyi (IARC) əvvəllər qəhvəni xərçəng yaradan məhsullar qrupunua əlavə etsə də, son zamanlar fikirlərində dəyişiklik yaranıb.

2016-cı ildə aparılan araşdırmalara görə qəhvənin xərçəng xəstəliyi ilə bağlı hər hansı bir təsiri olmadığına dair bəyanat verilmiş, hətta bəzi xərçəng növlərinin inkişafının qarşısını aldığına dair fikirlər də səsləndirilmişdir. Buna baxmayaraq araşdırmacılar 65 dərəcədən çox istilikdə hər hansı su, çay, qəhvə kimi içkilərin udlaq xərçənginin səbəblərindən biri ola biləcəyini istisna etmirlər. Mərkəzi Lion şəhərində yerləşən bu Araşdırma Dərnəyi 1000 ədəd elmi çalışmanın nəticəsində bu qənaətə gəlmişlərdir. Qəhvənin kanserojene səbəb olub olmaması ilə bağlı hər hansı bir dəqiq nəticə əldə edilməmişdir.

IARC agentliyi daha öncələr qəhvəni 2B kateqoriyası olan “Kanserojen ehtimalı” sinfinə daxil etmişdi. Siçanlar üzərində aparılan araşdırmalara görə yüksək istili temperaturunda olan içkilərin xərçəngə səbəb ola biləcəyi qeyd edilmişdir. Udlaq xərçəngi dünya üzərində ən çox görülən və ölümcül olan 8-ci xərçəng növüdür. 2012-ci il məlumatlarına görə 400 min nəfərdən çox adam bu növdən həyatını itirmişdir.

Qısaca desək, isti içkilərinizi hazırlayan kimi dərhal deyil, biraz soyumalarını gözlədiktən sonra içməyiniz daha düzgün olar.