Dünyada Ən Çox Sevilən Rəng…

İnsanlar arasında rəng zövqlərinə görə hər nə qədər fərqlilik olsa da, bəzi rənglərin daha çox sevildiyi, bəzilərinin isə əskəriyyət tərəfindən bəyənilmədiyi şübhəsizdir.

Bəs dünyanın ən sevilən rəngi hansıdır?

Böyük Britaniyanın təşkilatçılığı və kağız istehsalçıları olan GF Smith, Made Thought şirkətlərinin də dəstəyi ilə, 2017-ci ildə insanların rəng zövqünü təsbit etmək üçün araşdırma başladılmışdır. İnternet vasitəsi ilə həyata keçirilən tədqiqatda insanlara təklif edilmiş 10-larla rəngdən bəyəndiklərini seçmələri istənmişdir. 30.000 insanın qatıldığı araşdırma nəticəsi ən çox sevilən rəngin “Marrs Yaşılı” olduğu məlum olmuşdur. Bu rəngin Marrs Yaşılı adlandırılması isə, bu rəngin birləşimini əldə etmiş şəxsin adı ilə bağlıdır.

Bəhsolunan rəng hər nə qədər yaşıl olaraq adlandırılsa da, ilk baxışda rəngin mavinin bir başqa tonu olduğu da danılmazdır. Yaşıl, boz və mavi rəngin qarışımından əldə edilən bu rəngə təbiətdə nadir halda rast gəlinir.

Bundan əvvəl bir başqa araşdırma isə, 2015-ci ildə YouGov şirkəti tərəfindən  10 ölkənin iştirakı ilə həyata keçirilmiş və ən sevilən rəng olaraq yenə də mavi olmuşdu. Digər yerləri isə sırası ilə qırmızı, bənövşəyi, yaşıl və cəhrayı rəng almışdı.

Qaynaq: itsnicethat.com

Rəylər

İlk rəyi yazaraq fikrinizi bizimlə paylaşın.

RƏY BİLDİR