Əmziyin Körpələr Üçün Zərərləri

Uşaq ağlama səslərinin bəzi insanlar üçün dözülməz olduğu danılmaz gerçəkdir. Azərbaycan dilində əmzik adlandırılan, ancaq əksəriyyətimizin “soska” olaraq bildiyimiz bu icad körpəni sakitləşdirmiş olsa da, irəliləyən zamanlarda bir sıra problemlərə səbəb olmaqdadır.

Xüsusi ilə 2 yaşından böyük körpələrin bu vərdişdən uzaq olması həkimlər tərəfindən şiddətlə tövsiyyə olunur. Çünki, damaq, çənə və dişlərin inkişaf etdiyi bu vaxtda əmzik əmən körpələrdə diş əyriliyi, damaq genişliyi və çənələrin irəli yaxud da geri getməsi müşahidə edilə bilir. Digər bir sözlə, əmzik əmən körpənin agız boşluğunda daima hava olacağından damaq dərinliyi artacaqdır. Eyni zamanda nəfəsi ilə əmziyi əmməyə çalışan körpənin yanaqları hər iki tərəfdən içər doğru çəkiləcəyindən çənə şəklində də dəyişikliklər ortaya çıxacaqdır. Bu baxımdan valideyinlər azyaşlı uşaqları gec olmamış bəhsolunan vərdişdən uzaqlaşdırmalıdırlar. Eyni zamanda əmzikdən uzaqlaşdırılmağa başlayan körpələrdə bir müddət narahatçılıq və barmaq əmmə kimi vərdişlər də yaranacaqdır. Xatırladaq ki, barmaq əmmə də əmzik kimi xoş olmayan xarici görünüşü yaradan səbəblərdəndir.

Eyni zamanda uşaqlara daha xoş gəlməsi üçün əmziyi duz və şəkərli maddələr istifadə edərək körpəyə vermək də gələcək yaşlarda xoş olmayan nəticələr verəcəkdir. Valideyinlər uşaqlarına duz və şəkərli qida vermək üçün ən az 2 il gözləməlidirlər. Əks təqdirdə, mina qatı baxımından daimi dişlərdən daha zərif olan süd dişləri tez bir zamanda çürüyəcəkdir.

Rəylər

İlk rəyi yazaraq fikrinizi bizimlə paylaşın.

RƏY BİLDİR