bilgibazarı

Namazın sağlamlığa faydaları

Namaz haqqında bilmədiklərimiz

Namaz insanlara ruhən sağlamlıq verməkdən əlavə həm də fiziki sağlamlığını da yaxşılaşdırmağa kömək edir. Namaz vaxtı insanlar Quran ayələrini oxuyaraq bir sıra fiziki hərəkətlər də yerinə yetirirlər.
Namaz rükətlərdən, rükətlər isə 7 duruşdan ibarətdir. Bir gün namaz qılmış insan 119 duruş yerinə yetirmiş olur. Bu isə hesabladıqda ay ərzində 3750, il ərzində 42840 duruş deməkdir. Həmçinin, insan ömrünün ortalama 40 ilini namaz qılmış olarsa, 1 713 600 duruş yerinə yetirmiş olur. Namaz duruşları yoqa hərəkətləri ilə oxşardır. Məhz bu səbəbdən namaz qılarkən həm dini öhdəliyinizi yerinə yetirmiş olursunuz, həm də yoqanın bütün faydalarından yararlanmış olursunuz.
Namaz həmçinin insanın sinir sisteminə təsir edir. Namaz hərəkətlərinin və ya duruşlarının bir növ gərilmə hərəkətləri ilə eyni olduğunu qəbul etmək olar. Bu fiziki hərəkətlər hər yaşa və hər şəraitə uyğun, sadə və eyni zamanda effektiv hərəkətlərdir.
Namaz qılarkən yaranan mükəmməl bir harmoniya və tarazlıq ilə əzələlərin davamlı olaraq rahatlamasını həyata keçiririk. İnsan bədəni bu zaman öz elastikliyini bərpa edir.
Araşdırmaçılar namazın insan bədəninə olan təsirini ölçmək üçün bir neçə eksperiment keçirmişdir. Namaz qılan şəxslərin beyin qan təzyiqi müxtəlif hərəkətlər zamanı cazibə qüvvəsi tərəfindən necə dəyişildiyi hesablanmışdır. Edilən hərəkətlərin insan orqanizmində qanın axımına, əzələ-skelet quruluşuna və bəzi xəstəliklərə necə yaxşı təsir göstərdiyi sübut olunmuşdur. Reabilitasiya prosesinə namazın təsiri isə əvəzolunmazdır.
Səcdə hərəkətinin qadınlarda baş verə biləcək bəzi xəstəliklər üçün müalicəvi bir hərəkət olduğunu bilirik. Lakin səcdə həm də kişilər üçün əla bir idman hərəkətidir. Səcdədən qalxarkən əzələlər insan bədənini oturma vəziyyətinə geri çəkir və aktiv şəkildə gərilirlər. Eyni vəziyyət səcdəyə gedərkən də baş verir. Əzələlərin bu şəkildə gərilməsi insanın kürək və bel əzələləri aktivləşir. Əzələlərin aktivləşməsi həmin əzələnin daha da güclənməsi deməkdir. Namaz qılan insanlarda bel ağrılarının az rastlanmasının səbəbi də məhz budur.
Məhəmməd Peyğəmbər Rüku və Səcdə hərəkətini hər zaman uzadar və başqa insanlara da bunu tövsiyyə edərdi. Çünki bu hərəkətlər və həmçinin hərəkətlərin ardıcıllığı təsadüfi olmamaqla yanaşı, həmçinin, sakitləşdirici təsirə də sahibdir.
Namaz az zəhmət, hərəkət və zaman tələb edən, həmçinin, eyni zamanda çox fayda verə biləcək bir itaət növüdür. Namaz qılmaq sizə həm fiziki, həm də mənəvi sağlamlıq verəcəkdir.

Qaynaq: researchgate.net

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

BİR YORUM YAZ