bilgibazarı

Yuxuda avtomobil sürmək – Tam izahlı

Yuxuda avtomobil idarə etmək ümumi şəkildə xoşbəxtlik və bolluğun xəbərçisidir. Unutmayaq ki, yuxular həyatımız haqqında hər şeyi deyə bilməz, ancaq bunu da bilməliyik ki, gördüyümüz yuxular beynimizin və hisslərimizin məhsuludur.

Qırmızı avtomobil idarə etmək – Yuxuda qırmızı avtomobil idarə etdiyinizi görmüsünüzsə, iki istiqamətdə müsbət inkişafdan danışmaq yerinə düşər. Bunlardan biri iş həyatınızda uğur qazanacağınız və maddi sıxıntınızın azalacağıdır. Digəri isə, şəxsi həyat, yəni sevgi həyatınızla bağlıdır. Bu mövzuda da yenə də xoş dəyişikliklərin şahidi olacaqsınız.

Ağ avtomobil idarə etmək – Yuxuda ağ avtomobil iadarə etmək xoş səfərin elçisidir. Yəni, qısa zamanda hər hansı xoş əlamətdən dolayı səfərə çıxacaqsınız. Ağ avtomobilə əyləşmək isə, işlərinizin yavaş-yavaş yaxşıya doğru gedəcəyinə işarə edir.

Qara avtomobil idarə etmək – Qeyd edilən yuxu əsasən hörmət və izzətə işarədir. Əsasən xoş niyyətli insan üçün müsbət mənada yozulan bu yuxu, bəd niyyətli biri üçün isə üzüntüyə işarə edir. Qara maşın idarə etmək kişilər üçün var-dövlətin xəbərçisidir. Qadınlar üçün isə, ləyaqət göstəricisidir.

Avtomobili sürətli idarə etmək – Sürətli şəkildə idarə etdiyinizi görmüsünüzsə, bu zaman yuxunuz hansısa qərarınızın riskli olduğundan xəbər verir. Qərarlarınızı təkrar gözdən keçirməyə çalışın.

Son model bahalı avtomobil idarə etmək – Bu yuxu işlərinizi tədricən yoluna düşəcəyinin və xoş xəbər alacağınızın xəbərçisidir. Əsasən uzun müddətdir gözlədiyiniz bir işdən müsbət nəticə alacaqsınız. Eyni zamanda üzəri açıq bahalı avtomobil idarə etdiyinizi görmək az əmək sərf edərək yüksək miqdarda pul qazanacağınıza işarədir.

Köhnə avtomobil idarə etmək – Yuxuda köhnə avtomobil idarə etmək bolluq dövrünə girişin işarəsidir. Var dövlət artacaq və kasıblığa vida edəcəksiniz.

Avtomobili arxa-arxaya idarə etmək – Bu yuxu həmin şəxsin bəzi problemlərlə qarşılaşacağına və diqqətli olmasına işarədir. Qarşılaşılacaq problemlər əmək sərf edilmədən həll olunmayacaq. Bu baxıma əzimli və səbrli olmaqda fayda var.

Nasaz avtomobil idarə etmək – Nasaz bir avtomobili idarə etdiyinizi görmüsünüzsə, bu sizin həyatınızda sizdən asılı olmayan bəzi problemlər olduğu anlamına gəlir. Sizi hədəflərinizdən uzaqlaşdıran məsələlərə aydınlıq gətirin.

Günəşli havada avtomobil idarə etmək – Yuxuda günəşli bir havada avtomobil sürdüyünüzü görmüsünüzsə, həyatınızın kontrolu öz əlinizdədir deməkdir və hədəfləriniz bəllidir. Sizdən istənən sadəcə bu məqsəd istiqamətində mübarizə aparmaqdır. Qazanacaqsınız!

Palçıqlı, çətin və qarlı yolda avtomobil idarə etmək – Bu şəkildə görülən yuxu çətin dönəmlər keçirdiyiniz və bu çətinliklərlə mübarizə apardığınız anlamına gəlir. Yuxu bu mübarizənin nəticəsinin müsbət olacağına işarə edir. Yəni, səbr etməkdə fayda var. Xoş günlər qarşıda sizi gözləyir.

Qaranlıq havada avtomobil idarə etmək – Bu yuxu sizin xoşbəxt olmadığınız anlamına gəlir. Yəni, bəzi dəyişikliklər etməyiniz üçün beyniniz sizə bir işarə göndərmiş ola bilər. Xoşbəxtliyinizə mane olan nüanslar və ya insanlarla münasibətinizi təkrar gözdən keçirin. Onlardan bəzilərindən uzaqlaşmağın vaxtı ola bilər.

Sərnişinli avtomobil görmək – Yuxunuzda bir avtomobildə sərnişin olduğunuzu görmüsünüzsə, sizin həyatınızla bağlı qərarları başqa bir şəxs qəbul edir deməkdir. Unutmaq olmaz ki, insan öz həyatıyla bağlı qərarları özü qəbul etməlidir. Çünki, sizin üçün nəyin daha yaxşı olduğunu, sizdən başqa heç kəs bilə bilməz.

Qaynaq: diyadinnet.com, dreammoods.com

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

BİR YORUM YAZ