bilgibazarı

Paralel Dünyalar və “Taureddən Gələn Adam”

 Paralel dünya nədir?                                                                             

Bəzən bir qərar verdikdən sonra, “Görəsən, əksini etsəydim necə olardı?” deyə fikirləşirik.Paralel dünya nəzəriyyəsinə görə biz deyil, bizlər varıq.Hər birimiz bilmədiyimiz başqa dünyalarda yaşayan başqa klonlara 201503281429_parallel-universe-realitysahibik.Gündəlik həyatda verilən ən kiçik qərarlar, atdığımız ən kiçik addımlar belə paralel dünyalarda digər variantlara görə dəyişir və şaxələnir.Məsələn, bu gün kinoya gedəcəyim halda fikrimi dəyişərək kompyuterin arxasında oturan mən, paralel dünyalardan birində bəlkə də, artıq dostlarımla birlikdə kinozalda oturub filmin başlamasını gözləyirəm.Digər bir paralel dünyada isə yolda baş verən bir avtomobil qəzası nəticəsində həyatım tamamilə dəyişdi…

 Paralel dünyalar nəzəriyyəsini ilk dəfə kim irəli sürmüşdür?

Nəzəriyyənin əsasında Einstein-in fikirləri olsa da, “Paralel dünyalar” anlayışını ilk dəfə amerikalı fizik Hugh Everett irəli sürmüşdür.Kvant fizikasına görə, bir-biriylə heç bir şəkildə bağlı olmayan çoxlu sayıda paralel dünyalar vardır və əgər bu dünyalar bir araya gələrsə, hər bir dünyanın məhvi ilə nəticələnə bilər.

 Yuxu və dejavunun paralel dünyalarla əlaqəsi

Yuxularımızda gördüyümüz qəribə hadisələr,əslində, paralel dünyalarda başımıza gələnlərin beynimizdəki əksi ola bilər.Yuxuda ölürük, maşın sürürük, səyahət edirik və s.Bəlkə də, bunları artıq paralel dünyalarda yaşamışıq.

Məsələn, başıma gələn bir hadisəni paylaşıram.Əvvəllər gördüyüm bir yuxuda heç vaxt getmədiyim, harada olduğunu bilmədiyim bir park görmüşdüm.Bu yuxudan 2 ay sonra isə getdiyim başqa bir ölkədə həmin parkı eynilə orada gördüm.

Görəsən, bu paralel dünyalar bir-biri ilə əlaqəyə keçir? Bəli. Dejavu buna nümunədir.Dejavu – ilk dəfə baş verən hadisəni daha əvvəl də gördüyümüz və yaşadığımız, ilk dəfə gedilən yerdə artıq bir dəfə olduğumuz hissini oyandıran illuziya deməkdir.Əvvəl nə zamansa gördüyümüzü düşündüyümüz bir anı, paralel dünyalardan birində yaşamışıq.Dejavu, əvvəllər etdiyimiz bir seçimin, bizi yenə də eyni nöqtəyə gətirdiyini anlamağın yeganə yoludur.Həyatınızda dejavuyla çox qarşılaşırsınızsa, deməli, əvvəllər etdiyimiz seçimlər əsas dünyanıza təsir etməyib.Dejavu yaşadığınız anlar azdırsa, etdiyiniz seçimlər sizi paralel dünyalardakı kimliyinizdən çox uzaqlaşdırmışdır.

 Paralel dünyalarla bağlı sirli hadisə – Taureddən gələn adam

XX əsrin 60-cı illərində Yaponiya aeroportuna enən təyyarələrdən birində zahiri görkəmi başqalarından fərqlənməyən bir sərnişin vardı. Adi geyimdə, sanki, adi insan idi. Lakin o, pasport nəzarətindən keçəndə gömrükçülər işlərin yolunda getmədiyini anlayıb şübhələnməyə başladılar.Pasport nəzarətçiyə heç bir şəkildə tanış deyildi.Belə ki, sənədi indiyədək məlum olmayan Taured dövləti vermişdi.Ana dili fransızca olmasına baxmayaraq, yapon dilində də səlis danışan sərnişin, tərəddüd etmədən, Taured adlı bir ölkənin vətəndaşı olduğunu və pasportun da bu ölkəyə aid olduğunu bildirdi. Sərnişin dərhal dindirilmə otağına aparıldı.passport (2)

Ondan xəritədə Tauredi göstərməyi tələb etdilər. Qəribə sərnişin iddia edirdi ki, onun ölkəsi İspaniya və Fransanın arasında yerləşir. Xəritədə isə Andorranın yerləşdiyi ərazini göstərdi. O bildirdi ki, indiyədək Andorra adını eşitməyib. Taured dövləti isə min ildir ki , mövcuddur.

Onun sözlərindən belə çıxdı ki, son 5 ildə Yaponiyaya bir neçə dəfə işgüzar səfər edib. Pasportundakı möhürlər də bunu təsdiq edirdi. Sərnişinin üstündə həmçinin bir neçə Avropa dövlətinin valyutası vardı. Sənədləri də saxta yolla düzələnə oxşamırdı…

Müstəntiqlər baş sındırsalar da, bir nəticəyə gələ bilmədilər. Hadisəni protokollaşdırıb sərnişini polis müşayiəti ilə otelə yolladılar. Qəribə insan otelin lüks nömrəsində yer götürdü .15-ci mərtəbədə. Qapının ağzında 2 polis keşik çəkirdi. Səhər tezdən immiqrasiya xidmətindən sərnişini dindirmək üçün əməkdaşlar gəldi.

Onlar polislə birgə nömrəyə daxil oldular. Sərnişin yoxa çıxmışdı.Qəribə olan isə necə gözdən itdiyiydi. Qapıdan çıxa bilməzdi, çünki polis keşik çəkirdi. Başqa çıxış yolu isə yox idi. Nömrə 15-ci mərtəbədə yerləşirdi.

Tokio polisi ayağa qaldırıldı. Amma axtarışlar nəticə vermədi. Yaqin ki, naməlum sərnişin hansısa yolla öz dünyasındakı doğma şəhərinə – Tauredə qayıtmışdı…

Bu və ya tarixdə baş vermiş buna bənzər digər hadisələr paralel dünyaların mövcudluğunu düşünməyə sövq edir.

Bütün bunlara baxmayaraq, paralel dünyaların olub olmadığı indiyə qədər sübut olunmamışdır və yuxarıda yazılanlar sadəcə nəzəriyyələrdən ibarətdir.

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

BİR YORUM YAZ