bilgibazarı

Yuxuda Pişik Görmək – Tam İzahlı

Yuxuda pişik görmək

Yuxuda pişik görmək yuxu sahibinin ətrafında qeyri ciddi və iki üzlü insanın olmasına işarədir. Pişik eyni zamanda tələbkar analıq obrazını da təmsil edir. Yəni, bu yuxu bəzən də, ananın övladına qarşı həddindən artıq tələbkar olması, övladı əndişəyə salacaq qədər nəzarətə də işarədir. Xoşagəlməz tərəf isə, bu tələbkarlığın boşuna cəhdlə nəticələnmə ehtimalının böyük olmasıdır. Ümumi şəkildə isə, yuxuda pişik görmək ilk başlarda problem və qayğıların artacağına işarədir. Ancaq, pişiklə bağlı əksər yuxu yozmalarda bu sıxıntıların müfəqqəti olduğu və zaman keçdikdə daha xoş günlərin gəldiyi izah edilir.

 

Yuxuda qara pişik görmək

Yəqin ki, əksəriyyətiniz qara pişiklə bağlı deyimləri eşitmisiniz. Məsələn, qara pişik keçən yoldan uzaq durmaq və ya onun uğursuzluq gətirməsi. Yuxuda qara pişik görmək də əsasən problem və qayğıların artmasına işarə edir. Ancaq, sevindirici tərəf orasındadır ki, bu sıxıntılar yuxu sahibini problemlərdən yaxa qurtarmaq üçün çıxış yolu tapmağa məcbur edəcəyindən, çox keçməyəcək ki, uğurlu nəticə əldə olunacaqdır. Bir başqa sözlə problemin çoxluğu həmin insanı çıxış yolu tapmağa məcbur edəcək və problem həllini tapacaqdır. Necə deyərlər, hər qaranlıq gecənin bir işıqlı sabahı var. Yetər ki, siz mübarizə aparasınız.

Yuxuda ağ pişik görmək

Ağ pişik də qara pişik kimi sıxıntılara işarədir. Ancaq, yuxuda ağ pişik görmək bir mənalı olaraq səbrli olmağın xəbərçisidir. Qısası, yuxu sahibi sadəcə olaraq səbrli olmaqla xoşbəxtliyi yenidən qazanacaq.

Yuxuda dişi pişik görmək

Yuxuda dişi pişik həm faydalı, həm də zərərli tərəfləri ilə diqqət çəkir. Əgər görülən pişik küçə pişiyidirsə, bu ətrafınızdakı birinin verdiyi qərarların yuxu sahibinə problem yaşadacağı mənasına gəlir. Əgər pişik evcildirsə bu zaman bərəkət və xoş günlərə işarə edər. Ümumiyyətlə isə, yuxuda dişi pişik görmək pis niyyətli qadının xəbərçisidir.

Yuxuda pişik öldürmək

Bu yuxu əsasən yaxşı və haqqın tərəftarı olmağınız kimi yozula bilər. Bir başqa sözlə, yuxuda pişik öldürmək uzun zamandır davam edən qayğılardan uzaqlaşacağınız və pisixoloji olaraq rahatlayacağınız kimi izah edilir. Yuxu sahibi eyni zamanda haqqın tərəfində olacaq və haqsızlıq edən insanlarla açıq mübarizə edəcəkdir.

Yuxuda pişik sahibi olmaq

Bu yuxu sizin köməyə ehtiyyacı olan birinə dəstək olacağınız və bir müddət sonra mükafatını alacağınıza işarə edər.

Yuxuda pişik balası bəsləmək

Bu yuxu gələcəyə yatırım kimi izah edilir. Bi başqa sözlə, yuxu sahibinin xeyriyyəçilikdən zövq aldığına və köməklik göstərdiyi insanların bir gün ona maddi baxımdan dəstək göstərəcəklərinə işarə edər.

Yuxuda pişik cırmaqlaması

Yuxuda pişiyin hər hansı bir əşyanı cırmaqlaması çox da ciddi olmayan xəstəliyin xəbərçisidir. Yuxu həmin şəxsə səhhətinə diqqət etməsi kimi yozula bilər.

Yuxuda pişik qovalamaq

Yuxuda pişik qovalamaq xoşbəxtliyin arxasınca qaçmaq kimi izah edilə bilər. Yəni, ailə xoşbəxtliyinizi pozmağa çalışan birinin pis niyyəti bəlli olacaq və siz ailə üzvlərinizlə əvvəlkindən də artıq yaxınlaşacaq, xoşbəxt olacaqsınız.

Yuxuda pişik balası görmək və sevmək

Bu yuxu həmin şəxsin öz əli ilə özünə sıxıntılar yaradacağına işarə edər. Bir başqa sözlə özünüzün verdiyiniz qərar bir müddət sizi və ailə üzvlərinizi üzüntüyə salacaqdır. Eyni zamanda maddi qazancın azalacağına, yaxın insanlarla ünsiyyətdə problem yaşayacağına işarə edər. Problemin qarşısının alınması üçün qısa zamanda tədbir alınması olduqca önəmlidir. Bu yuxu eyni zamanda yuxu sahibinin həyat sevgisinin yüksək olduğunun, ən pis zamanlarında belə ümüdini itirmədiyinin xəbərçisidir.

Yuxuda pişiyin balaladığını görmək

Bu yuxu demək olar ki, pişiklə bağlı yuxu yozmalarından ən xoş xəbərli olanlarındandır. Daha ətraflı izah etsək, uzun zamandır apardığınız mübarizədə qalib çıxacağınız və əldə etdiyiniz uğurlarla ətrafınızdakıları qısqandıracağınız kimi yozulur.

Məqalə fərqli qaynaqlar istifadə edilərək bilgibazari.com tərəfindən hazırlanmışdır.

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

BİR YORUM YAZ