bilgibazarı

Tarixdə ilk kağız pul və plastik kart

Pul ilk dəfə nə üçün yarandı?
Pul kəşf olunmamışdan əvvəl insanlar ticarət zamanı bir əşyanı almaq üçün digər bir əşyadan istifadə edirdilər. Məsələn bir torpaq sahəsi almaq üçün qarşılığında heyvanları verirdilər. Qiymət təyin olunarkən də çox zaman mal-qara ilə təyin olunurdu. Məsələn müəyyən bir miqdar ərazinin qiyməti beş ədəd qoyuna bərabər idi.

İlk dəfə bizim eramızdan əvvəl Mesopotamiyada qızıl sikkələrdən pul vahidi kimi istifadə olunmağa başlayanda, onun dəyərini çəkisi ilə təyin edirdilər. Daha sonra isə qızıl halqalardan daha kiçik məbləğləri təyin etmək üçün istifadə olunmağa başladı. Bütün bunlar ticarət zamanı tacirlərin işini asanlaşdırırdı. Çünki, qızıl sikkələr və yaxud halqalar daha asan daşına bilirdi. Həmçinin mal-qara ilə uzun yol getmək riskli idi: heyvanlar ölə bilərdi, başqaları tərəfindən öldürülə bilərdi.

Daha sonra isə b.e.ə. 2500-cü illərdə Eblada (Suriya) tacirlər artıq qızılla yanaşı gümüş sikkələrdən də istifadə etməyə başladılar. Gümüş sikkələr qızıla nisbətən daha kiçik pul vahidi hesab olunurdu.

Asan daşınılmasına baxmayaraq bu pul vahidlərinin mənfi tərəfi oğurlanmaqları idi. Bu oğurluqların qarşısını almağın yolu isə bank sisteminin yaradılması oldu. B.e.ə. 18-ci əsrdə Babilistanda Hammurapinin dövründə ilk bank sistemi yaradıldı.

Metal pullar mal-qaraya nisbətən yüngül və asan daşınılan idi. Lakin, 910-cu ildə ilk dəfə Çində kağız pullar istehsal olunmağa başladı. Bunun üstündən 3 əsr keçdikdən sonra isə Çində ilk banknotlar istifadəyə verildi. Bununla da daha çox pullar daha kiçik çəkilərlə əvəz olunmağa başladı.

20-ci əsrin ortalarında isə ilk dəfə olaraq plastik kartlar istifadə olunmağa başladı. Bunun sayəsində pullar fiziki olaraq öz çəkisini itirmiş oldu. İlk plastik kart isə 1958-ci ildə “Bankamericard” tərəfindən Amerikada istifadəyə verildi.

Pul tarix boyunca formasını dəyişsə də, hal-hazırda bütün növlərindən istifadə olunmaqdadır.

Qaynaq: historyworld.net

ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

BİR YORUM YAZ