Yatmazdan Əvvəl Bunları Etməyin

Yuxuya getməkdə və sabahları yuxudan oyanmaqda əziyyət çəkirsinizsə aşağıdakı davranışlar buna səbəb ola bilər.

1.Yataqda telefon/tablet istifadə etmək.

Tədqiqatlar yatmazdan əvvəl istifadə olunan ekranlı vasitələrin (telefon, kompüter, tablet, televizor) insan yuxusuna mane olduğunu göstərir. Səbəb isə cihazların yaydığı işıq nəticəsində melatonin hormonunun ifrazının azalmasıdır. Qeyd edək bu hormon insan bədənində gecə və gündüzün ritmini təyin edir. Məsləhət görülür ki facebook və twitter’ə yataqda deyil sabah yuxudan oyandıqdan sonra girəsiniz.

2. Çox yemək və ya səhv qidalanmaq.

Gec saatlarda yemək dünyanın hər yerində müşahidə olunan bir davranışdır. Lakin gec saatlarda çox yemək yeməkdən qaçmaq lazımdı. Çünki bədəniniz bunları həzm etməklə məşğul olacaq və rahatlamanız vaxt alacaq. Aclığınız varsa yatmazdan 2-3 saat əvvəl yeməyə çalışın. Bundan əlavə yatmazdan əvvəl şokolad və şokoladlı qidalar yeməyin. Səbəb isə tərkibində olan kafenin ilə bağlıdır.

3.İdman etmək.

Əlbəttəki idman etmək sağlamlığımız üçün vacibdir. Ancaq yatmazdan əvvəl idman etmək əvəzinə bunu gün içərisində etmək məsləhət görülür.

4. Həyəcan verici və maraqlı kitab oxumaq.

Əslində yatmazdan əvvəl kitab oxumaq edilə biləcək ən gözəl şeydir. Təbii ki yarıda buraxa bilməyəcəyiniz qədər həyəcan verici və maraqlı deyilsə. Əks təqdirdə günəşin doğuşuna əlinizdə kitab ilə şahid olacaqsınız.

5. Siqaret çəkmək.

Yatmazdan əvvəl siqaret çəkmək sizin yuxunuza zərər verəcək. Tərkibində olan nikotin bədənin rahatlamasına əngəl olaraq onu ayıq saxlayır.