Doun (Dawn) Sindromu Xəstəlik Deyil

Doğulan körpələrdə 46 xromosom yerinə əlavədən bir xromosomun yaranması Doun sindromunun yaranmasına səbəb olur. Bir başqa sözlə bu sindromu daşıyan insanlarda 46 yerinə, 47 xromosom görünür. İnsan, valideyinlərinin xromosomlarının qarşılıqlı birləşməsi nəticəsində toplamda 23 cüt xromosom daşıyır. Yəni, insan hüceyrələri 23 cüt xromosomdan ibarətdir ki, bunlardan 21 ci xromosomda ortaya çıxan yanlış bölünmə (21 ci xromosomun ikinci dəfə təkrarlanması) Doun sindromuna səbəb olur. Ancaq unudulmamalıdır ki, Doun sindromu bir xəstəlik deyildir, sadəcə genetik fərqlilikdir. Doun sindromu görülən insanlarda biri birinə bənzər üz qruluşu, başın arxa tərəfinin yastı olması, dilin artıq genişlənməsindən dolayı danışma qüsuru, ayaq baş barmağı ilə digər barmaq arasında boşluq, geniş və gödək barmaqlar, əlin içində digər insanlardan fərqli olaraq tək xəttin olması müşahidə edilir. Bu insanlar eyni zamanda yaddaş cəhətdən də digər insanlardan geri qalır və qavramada çətinlik çəkirlər. Ancaq, məşğələlərlə bunu qarşısını almaq mümkündür. Orta yaşam ömürləri 50 il olan bu insanların dünyaya gəlmə ehtimalı 850-1000 nəfərdə birdir. Eyni zamanda ananın yaşı artdıqca bu sindromu daşıyan körpənin doğulma ehtimalı 16 nəfərdən birə qədər enə bilir.