Liftlərdə Nə Üçün Güzgü Yerləşdirilir?

Texnoloji inkişaf və şəhərləşmə kimi bir sıra dəyişimlər gündəlik həyatımıza sözsüz ki təsirsiz ötüşməyir. Elə bu məqaləmizlə bağlı onu deyə bilərik ki, bu gün əksəriyyətimiz gündəlik həyatımızda ən az bir dəfə liftdə istifadə edirik. Çünki, yüksək mərtəbəli binalar və rahat həyat şəraiti bunu gərəkdirir. Ancaq, bir çoxlarımız liftlərdən istifadə etməyi sevsək də, liftə minməkdən qorxan insan sayı da az deyil. Bəs modern liftlərin demək olar ki hər birinə yerləşdirilmiş güzgü nəyə xidmət edir? Alt mərtəbələrdə yaşayıb, sırf güzgünün önünə keçərək özünə baxmaq üçün liftə minənlərin verdiyi cavab təbii ki yanlışdır. Yəni, bu güzgülər əslində bəzənmək üçün nəzərdə tutulmayıb.

Liftdəki bu güzgülər əslində iki məqsədə xidmət edir.

1. Siz lifti çağırdığınız zaman açılan qapıda öz əksinizi görəsiniz deyə. Yəni, bəzən lift yanlış mərtəbədə dayana, qapılar isə sizin önünüzdə açıla bilər. Bu baxımdan ilk səbəb təhlükəsizlik üçün nəzərdə tutulub. Liftin qapıları açılan zaman öz əksinizi görmədiyiniz halda, diqqətli olmaqda fayda var. Ancaq, xatırladaq ki, keçən əsrdən istifadəyə verilmiş binaların bir çoxunda liftlərdə güzgü nəzərdə tutulmamışdır. Güzgünü axtarmaqla boşuna vaxt keçirməməyinizi məsləhət görərdik. Yoxsa işə gecikə bilərsiniz. ))
2. Digər bir səbəb qapalı məkan qorxusu olan insanlar üçün nəzərdə tutulmuşdur ki, liftin içində yerləşdirilən güzgülər məkanda geniş effekt yaradaraq bu qorxunu nisbətən azaldır.

Qaynaq uselessdaily.com