Hər ofisdə olan maraqlı tiplər

Həftədə ən az 40 saatımızı birlikdə keçirdiyimiz iş yoldaşlarımızın xarakterləri təbbi ki, eyni deyil. Bəzisi deyingən, bir başqası tənbəl və ya hər kəsin problemini həll etməyə çalışan tipdəndirlər.  Bəs siz bunlardan hansına aidsiniz? (Məqalənin video yazısını Youtube dən izlə)

1. İnsanı darıxmağa qoymayan dediqoduçu tiplər

Ofis mühitində baş verən hadisələrdən dərhal məlumat almaq istəyirsinizsə onlardan xəbər alın. İlk baxışda bütün iş yoldaşları ilə xoş münasibətdə olduqları diqqət çəksə də, əslində bu belə deyil. Yəni, onlar kənardan hərkəsə mülayim və xoş niyyətli görünməyə çalışırlar. Çünki, məqsəd hərkəslə yaxın olmaq və hadisələrdən anında xəbər almaqdır. Bu maraq onları hərkəslə yaxınlaşamağa məcbur edir. Bütün gününü başqalarının danışıqlarını yaddaşlarına yazmaqla keçirən bu insanlar, daha sonra eşitdiklərini danışmaqdan da böyk bir zövq alarlar. Dediqodu edən bu tip ofis işçilərindən uzaq olmağın ən yaxşı yolu onları diqqətə almamaqdır.

2. Hər şeydən şikayət edən tiplər

Bu tip insanlar şikayətlənmək üçün o qədər də böyük səbəb axtarmazlar. Bir başqa sözlə, iş yoldaşının işə gəlməməsindən dolayı bütün işlərin onun üzərinə yüklənməsi ilə, yeni stajorun işə dəvət edilməsi nəticəsində işlərin önəmli dərəcədə azalması bu tip insanlar üçün eyni dərəcəli şikayət mövzusudur. Yəni, onlar hər vəziyyətdə şikayət etməyə mövzu taparlar. Narazılıqlarını dinləyən birinin olmaması isə onları daha da özlərindən çıxararkən, birinin ona diqqətlə qulaq asması onları anidən səssizləşdirəcəkdir. Qısası problem həllini tapmasa da onlar üçün daha önəmli olan dərdlərini dinləyən birinin olmasıdır.

3. Hər işə müdaxilə etməyə çalışan tiplər

Onlar hər kəsin vəzifə öhtəliklərinə o qədər də bel bağlamaz və bir qədər də nəzarət etməyə meyillidirlər. İşə gələrkən nəqliyyət vasitəsinin seçimindən, işdə rəsmi mail yazışmalarının yazılma şəklindən tutmuş yeməkxanada yemək seçiminə qədər sizə yol göstərən həmin  o şəxslər əslində o qədər də pis niyyətli deyillər. Tək dərdləri hər şeydən maksimum fayda yaratmaq və işləri nəzarətdə saxlamaqdır. Onlara qarşı anlayışla yanaşmaq və etibar qazanmaq bu insanları öznüzdən uzaqlaşdırmağın ən asan yoludur.

4. Heç bir işi qaydasında olmayan trajedik tiplər

Anidən ağlama hıçqırğı və ya təəccüb dolu mimika ya da ürək parçalayan qışqırıqlar sizin də yan masadan tez-tez gəlirsə demək ki, o sizin ofisdə də var. Hər gün kompyuterindən bütün sənədlərin silindiyi, maaş kartının bloklandığı və ya istifadəçi kodunu unudan bu işçilərə nə qədər az diqqət etsəniz o qədər rahat olacaqsınız. Çünki, əksər zaman problemi həll etməyə çalışdığınızda əslində bunların yalan olduğunu görəcəksiniz. Tək dərdləri diqqət çəkmək olan bu insanlara verəbiləcəyiniz ən tutarlı cavab “belə şeylər olur, düzələr” şəklindədir.

5. Sizi hər zaman arxadan vurmağa çalışanlar

Sözsüz heç kimin ətrafında olmağını istəmədiyi bu insan tipləri təəssüf ki, əksər iş mühitində qarşımıza çıxır. Sizə ilk yaxınlaşan, ilk dərdinizə ortaq olmağa çalışan bu tiplərin zamanla haqqınızda dediqodu etməyə çalışan adamlar olduğunu anlayacaqsınız. Rəhbər şəxslərin ən yaxın sirdaşları olan bu həmkarlarınız eyni zamanda onlar üçün bir aget xüsusiyyəti daşıyırlar. Siz isə bunları anlayana qədər çoxdan iş işdən keçmiş olacaqdır. Buna görə də, həmin insanlardan uzaq olmağın ən yaxşı yolu sirrinizi onlarla bölüşməmək və bunu anladığınız zaman o insanlara qarşı sərt mövqe ortaya qoymaqdır.

6. Üstün görünməyə çalışan ədəbi və jarqon dil ustaları

Əsasən dünya görüşü və mədəni cəhətdən o qədər də zəngin olmayan bu tip insanlar qeyd edilən əksikliklərini gizlətmək, özlərinə hörmət qazanmaq üçün heç kimə bəlli olmayan jarqon ifadələrdən istifadə etməyə üstünlük verərlər. Təbii bütün terminləri və jarqon ifadələri hər kəs bilməyə bilər, ancaq həqiqət burasındadır ki, həmin şəxslərdən bu ifadələri açıqlanmağı istənildiyində, əslində kəlimələrin o qədər də anlamlı olmadığını görəcəksiniz.

7. Susmaq bilməyən çoxdanışan tiplər

Ağıllarından keçən hər fikri qarşındakına bildirməyi özünə vəzifə etmiş bu insanları həqiqətən də dinləmək bir əzab, dinləməmək üçün baş vurulan yollan isə bir başqa əziyyətdir. Təbbi ki, bu tip insanların fikir atəşindən canınızı tez bir zamanda qurtarmaq sizin fantaziyanızdan da çox aslıdır.  Məsələn, “bir söz soruşa bilərəm?”, “vacib telefonla danışmalıyam” kimi kəlimələr çox hallarda imdadınıza çata bilər. Bunun kimi yoların da faydası olmasza, masanızınızın yerini dəyişmək, qulaqcıqdan istifadə etmək kimi yollara baş vura bilərsiniz.

8. Hər mövzuda məlumatlı olduğunu düşünən tiplər

Ofis şəraiti təhsili, geniş dünya görüşünə sahib insanlardan ibarət olsa da, bunların içində mütləq özünün daha çox bilgiyə sahib olduğunu düşünən biri var. Bu insanlar düşünməklə qalmaz fürsət yarandıqca həm fikri, həm də fiziki tərəfdən özlərini nümayişə keçərlər. Onların yanında yeni avtomobil almaq istədiyinizi dilə gətirdikdə dərhal avtomobil bazarı haqqında əlaqəli əlaqasiz məlumat yağmuruna tuş gələcəksiniz. Məlumatların bir hissəsi düzgünlüyünə əmin olmadığı qaynaqlardan ola bilər. Bu insanlar hətta mövzuya hakim olduqlarını göstərmək üçün uydurma hekayələrə də baş vura və hətta söhbətin gedişatındakı fasilədən istifadə edərək, internetdən də əlüstü məlumatlar ala bilərlər. Özlərini ağıllı göstərməyə çalışan bu tip insanlar bəzən işə yarasa da, bəzən də, kollektiv üçün əyləncə mövzusu olurlar.

9. Həyatı işdən ibarət olanlar

Bu tip insanların əksəriyyətinin özəl və ya iş xarici həyatı yoxdur. Onlar iş xaricində və hətta öz evində belə xoşbəxt deyillər və elə bu səbəbdən də işdə artıq vaxt keçirmək, gecə saatlarına qədər işləmək onlar üçün cəzbedicidir. Bu tip insanlardan səhəri şirkəttə açanlar da görülmüşdür. Onlar rəhbər vəzifəyə gəldiklərində isə, tabeçiliyindəki insanları da artıq saat işləməyə vadar edə bilirlər. Bu səbəbdən özəl həyatları olmayan həmin rəhbərlərə özəl həyatınızı arada bir xatırlatmaq sizing üçün faydalı olacaqdır.

10. Tənbəl tiplər

Bu tip insanlar dediqodu, boş boş söhbətlər və ya da çay fasilələri kimi vərdişlərə meyillidirlər. Onların yeməyə hərkəsdən öncə gedib, ən sonda gəldikləri də müşahidə edilən cəhətləridir. Ofisə girdikdə isə, işləməyə meyilli olmadıqlarından bütün ofis masalarına növbə ilə yaxınlaşaraq 5-10 dəqiqə söhbət edərlər. Əsasən boş zaman keçirdikləri üçün şirkətin bütün işçilərini tanıyır və ünsüyyət qurarlar.

11. Mükəmməliyyətçi tiplər

Onlar yanlışı qəbul etməz, ən kiçik səhvi belə böyütməyə meyillidirlər və bəzən öz yanlışlarına görə özlərini tənbeh etdikləri də müşahidə edilir. Əsasən tələbkar olan bu insanların ən sevmədiyi işçilər işində məsuliyyətsiz olanlar, əmin olmadıqları iş haqqında bilgi verən işçilərdir. Rəhbərlik üçün narazı işçi imici yaradan bu tiplər maksimalist olduqlarından ən kiçik fikir ayrılığına belə etiraz edərlər.

12. Bəxtsiz Tiplər

Bu tip işçilər ya  yanlış qərarlarına, ya da şanssız olduqlarına görə ofisin ən bəxtsiz şəxsləri  sayılırlar. Onlar risk etməyə meyilli olurlar. Elə buna görə də ofisdaxili və ya kənar təklifləri dəyərləndirməyi sevirlər. Yeniliklərə hər zaman açıq olan bu işçiləri bir gün karyerasının zirvəsində, bir gün isə bütün xəyalları puç olmuş şəkildə görə bilərsiniz. Təklif olunmuş yeni ştatın ləğv edilməsi, ona rəğbət duyan rəhbərin kollektivdən ayrılması kimi hadisələr də bu insanların həmişə qarşısına çıxa bilər.

13. Nəzakət qaydalarına ciddi əməl edənlər və bunu sadəcə, sünilik sayanlar.

Yəqin ki, iş yoldaşlarınız arasında hamıya, hətta, həmyaşıdlarına belə, siz, bəy və ya xanım deyərək müraciət edənlər var. Onlar iş yoldaşlarından nəsə istədiyi zaman mütləq “zəhmət olmasa”, “xahiş edirəm” kimi sözlərdən istifadə edirlər. Bu bəzən kənardan baxanlar üçün mənasız və süni görünsə də, onları bu davranışlardan uzaqlaşdırmaq asan deyil. Hətta, siz olnlara sən deyə müraciyət etsəniz də, onlar sizinlə yenə rəsmi davranacaqlar.

Bu tip işçilərin tam əksi olanlarsa, yaşından, vəzifəsindən aslı olmayaraq, hər kəslə zarafat etməyə meyillidirlər.  Hətta onlar yeni işə başladığı kollektivdə də maksimum 1, ya da 2 gündən sonra işçilərlə münasibətdə sosial danışıq etikasını unudurlar. Təbii ki, bu onların qarşındakına hörmətsilzik etdiyi mənasını vermir. Onların əksəriyyəti bunu süniliyi sevməməklə əlaqələndirirlər.

14. Maaşı böyük maraqla gözləyənlər

Bu tiplər maaşdan maaşa üzü gülən, yalnız maaş aldığı günlərdə sosial gəzintilərə qatılan insanlardır. Onlar evli və ya subay olsalar da, kredit ödəyib ödəməsələr də həmişə pula ehtiyacları başqalarından çoxdur. Bu insanların pulu hara xərclədiklərisə çox vaxt kollektiv üçün sirr olaraq qalır.

15. Hər gün “Ərizəmi yazıb işdən çıxacam” deyənlər.

Ofisdə hər kəs, hətta, həmin şəxslərin rəhbəri belə onların işdən çıxmaq istədiyini bilir. Onlar işlər tərs gedən kimi “ərizəmi yazıb işdən çıxacam”, “belə işləmək olmur” kimi kəlimələri işlədirlər.  Yəqin ki, bu tip insanlar sizin ofisinizdə də var, Siz də  eyni kəlmələri onlardan 2-3 ildir ki, eşidirsiz. Amma, qəribədir ki, onlar hələ də işlərinə davam edirlər.

Bəs Siz bunlardan hansına aidsiniz. Şərh bölümündə fikirlərinizi paylaşa bilərsiniz.

Məqalənin video formatını Youtube dən izləyin.