Harry Potter – Yeni 8-ci Kitabı

JK Rowling yazdığı hekayə əsasında səhnələşdirilən Harry Potter teatr oyunu kitab olaraq da yayımlanacaq. Silsilənin səkkizinci kitabı olacaq “Harry Potter And The Cursed Child”-da hadisələr son kitabdan 19 il sonra cərəyan edir.

Harry Potterin doğum günü olan 31 İyulda satışa təqdim edilməsi planlaşdırılan yeni kitab, eyni zamanda JK Rowling hekayələr paylaşdığı Pottermore adlı veb saytında virtual olaraq da yerini alacaq. Pottermore-da sözü gedən teatr oyunu haqqında edilən şərhlərə görə, yeni macərada Harry Potteri üç uşaq atası və “Ministry of Magic”-də daha çox zaman keçirərkən görəcəyik. Harry Potter And The Cursed Child-ın əsas qəhramanı isə Potterin ən kiçik oğlu olan və adını Albus Dumbledore və Severus Snape-dən alan Albus Severus Potter olacaq.