Təbii üz təmizləyici maska

Tərkibinin nə olduğunu bilmədiyiniz kimyəvi üz təmizləyici məhsullara vəsait xərcləməkdənsə, dərinizi təmiz və qüsursuz hala gətirmək üçün evdə əlinizin altında olan bir neçə təbii vasitələrlə üzünüzü həm təmizləyə, həm də, canlandıra bilərsiniz.

Quru və həssas dərilər üçün…

Lazım olanlar: stəkanın 4-də biri qədər qaymaq, stəkanın 4-də biri qədər süd, iki xörək qaşığı sarı çobanyastığı çiçəkləri (təzə və ya qurudulmuş)

Hər birini bain-marie üsulu ilə bişirin. Südün qaynamasına imkan verməyin. Ocağı söndürün və 2 saat gözləyib, sonra şüşə qaba boşaldın. Soyuducuda saxlayın (soyuducuda iki həftə saxlamaq olar).

Yağlı dərilər üçün…

Lazım olanlar: Yarım stəkan ayran, 2 xörək qaşığı razyana toxumu.

Ayran və razyananı 30 dəqiqə bain-marie üsulu ilə bişirin. Ocaqdan götürüb iki saat gözləyin və sonra qarışığı süzgəcdən keçirin. Şüşə qaba boşaldıb, soyuducuda saxlayın (soyuducuda iki həftə saxlamaq olar).

Üz təmizləmək üçün…

Lazım olanlar: 1 ədəd soyulmuş kivi, 2 xörək qaşığı qatıq, 1 xörək qaşığı badam yağı, 1 xörək qaşığı bal, 1 xörək qaşığı yaxşı üyüdülmüş badam.

Kivini pürə halına gətirib, qatığı, badam yağını, balı və badamı əlavə edirik. Qarışdıraraq məcun halına gətirin. Digər üz təmizləyicilər kimi istifadə edin. Bol ilıq su ilə durulayın.

Razyana və kəklikotulu təmizləyici

Lazım olanlar: 2 təzə kəklikotu budağı, 2 çay qaşığı razyana toxumu, yarım stəkan su, yarım limon.

Kəklikotunun yarpaqlarını budağından təmizləyin. Suyu qaynadıb, kəklikotu və razyananı əlavə edin. İsti qarışığın içinə sıxılmış limon suyunu əlavə edib, 20 dəqiqə gözləyin. Süzüb, təmiz bir şüşə qaba boşaldın. İstifadə edənə kimi soyuducuda saxlayın.