Şaftalı tüklərinə olan fobiya

Ətrafımızdakı insanların bir qismində təəccüblə qarşılayacağımız fobiyalar (məğlub edə bilmədiyimiz qorxular) var. Bunlardan ən fərqli olanı isə əlbəttə ki, şaftalı tüklərinə olan fobiyadır. Bir sıra insanlar bu meyvəyə nəinki toxunmaq, hətta onu görmək belə istəməzlər. Psixoloqlar bu vəziyyəti insanın keçmişdə yaşadığı hadisələri ilə əlaqələndirirlər. Hər bir fobiya sahibi üçün bu belə olmasa da əksər insanlar bu qorxulara uşaq yaşlarında tutulur və irəliləyən yaşlarda bədənin özünü müdafiəsi nəticəsində bu uzun müddət davam edir. Hətta müalicə (ortadan qaldırmaq üçün mübarizə) aparılmadıqda ömür boyu davam edə bilir.

Şaftalı tüklərinə qarşı fobiyası olan insanların uşaq yaşlarında hər hansı tüklü bir heyvandan qorxduğu üzərində durulan ən real ehtimallardandır. Ancaq eyni zamanda bu vəziyyəti ortadan qaldırmaq şəxsin özündən aslıdır. Belə ki, fobiya sahibi zaman-zaman bu meyvəyə yaxınlaşmağa və toxunmağa özünü hazırlamalıdır.