Təzə, dadlı meyvə və tərəvəzi seçməyin sirri

Bazarda, supermarkettdə meyvə və tərəvəz alarkən ən vacib məsələ meyvə və tərəvəzin ən təzəsini və ləzzətlisini seçməkdir. Bəs, təzə və ləzzətli meyvə və tərəvəzi seçərkən nəyə diqqət etmək lazımdır? Bazarda aldanmamaq üçün diqqət etməli olduğunuz mühüm məsələləri bilmək sizə çox faydalı ola bilər. Olduqca maraqlı olan bu bilgiləri sizinlə paylaşırıq.

1. Meyvə və tərəvəzlərin kiçiyini seçmək daha məsləhətlidir, çünki, iri meyvə və tərəvəzlərlə müqayisədə daha dadlı və ləzzətli olur.

Hormonlu yeməklərin həyatımıza daxil olması ilə hər yerdə iri meyvələr və tərəvəzlər görməyə başladıq. Hormonlu qidalardan çəkinmək istəyirsinizsə böyük olanları deyil, daha kiçikləri seçə bilmənizdə fayda var. Məsələn, daha kiçik badımcanların dadı daha az acılı olmağa meyllidir, həmçinin, daha nazik qabığa və daha az tumlara sahibdir.
Badımcan demişkən badımcanların rəngi qapqara olmalı və tutulanda ələ rəng verməməli. Əgər rəngi ələ çıxırsa dərmanlanmış məhsuldur.

2. Meyvə seçimində qüsursuz görüntüsünə deyil, ağırlığına fikir vermək lazımdır: Ağır olan meyvələr daha sulu olur.

Qabığında olan çatlar pis meyvə olmasının əlaməti deyil. Ona görə ki, bu meyvənin qbığını çatladacaq qədər çox su topladığını və daha sulu olduğunu bildirir. Məsələn, nar seçərkən həm ağır və qabığının çatlarla dolu olmasına, həm də, rənginin parlaq olmasına diqqət etmək lazımdır.

3. Meyvələri iyləməyə çalışın, çünki, nə qədər yetişmiş olduğunu qoxusu bildirir.

Bir meyvə seçərkən onu iyləmək yetişdiyini anlamağımıza kömək ola bilər. Əgər bir meyvə güclü ətir yayırsa, bu onun təbii şəraitdə yetişdiyindən xəbər verir.

4. Soğan alarkən güclü iyinə və bərk olmasına üstünlük verin.

Sağanın qatı iyə malik olması onun çoxdan cücərməsinin əlamətidir və bu da soğanın çox bərk olmadığını və quruluğunun daha az olduğunu göstərir. Cücərmiş soğan çox pis seçim deyil və yeyilə bilər.

5. Portağalın qabığı nazik və parlaq rəngdə olanı daha məsləhətlidir.

Portağal alarkən onları əlinizdə ehtiyyatla sıxaraq seçmək olar. Həcminə nisbətən ağırlığı çox olan portağalların yaxşı çıxma ehtimalı daha böyükdür. Quru və zərif görünənlərin suyu az ola bilər.

6. Təzə kartofunun qabığı dırnaqla asanlıqla soyulur.

Kartofunun təzə olub olmadığını yoxlamaq üçün dırnağınız ilə qabığına zərif şəkildə toxunun, qabığı asanlıqla soyulursa və içi sarı rənglidirsə, sarıdır. Bu həm ləzzətli, həm də saxlanması üçün uyğundur. Bundan əlavə çoxlu gübrə və dərman istifadə olunan kartofunun içində qaralmalar olur. Xarici görüntüsü isə yumuruları bir-birlərinə bitişik şəkildə olur. Belə görüntülü kartofulardan uzaq durmaq daha faydalıdır. Həmçinin, cücərmiş kartofuları almayın.

7. Pomidorların ağır, qırmızı və qabığı nazik olanlarını seçin.

Yetişmiş və yaxşı pomidoru uc hissəsində zərif yaşıl cızıqlar olmasından müəyyən edə bilərsiniz. Yuvarlaqlığını pozan sivri uclu və içi boş pomidorlar aktiv maddələrlə yetişdirilmiş pomidorlardır.

8. Yaxşı xiyar qısa, düz və sapı yaşıl olandır.

Xiyarın boyu böyüdükcə içi yumuşalır və dadsızlaşır. Xarici görünüşü pozulmuş, bir ucu qalın, bir ucu incə olan xiyarların içi süngər kimi olur. Təzəliyi isə saplağının yaşıllığından bəlli olur.

9. Çiyələyin irilərini seçin, əzilmişlərindən uzaq durun.

Hazırda çiyələyin vaxtıdır. Yetişməmiş çiyələyi sərt olmasından anlamaq çətin deyil. Çiyələyin günəş altında az duranını, düzgün formada olanını, yəni yumru-yumru, əzilməmişlərini seçmək doğrudur.

10. Yaxşı alçanı yuxarıdan atdıqda, qarpız kimi yere düşüb, çatlayır.

Uşaqdan böyüyə hər birimizi sevimli meyvəsi olan alçanın bərki daha məsləhətlidir. Bu alçalar dadlı olur. Yerə atdıqda çatlayırsa, bilin ki, o alça keyfiyyətli və yetişmişalçadır.

11.  Şaftalı ələ alındıqda görünüşünə nisbətən daha ağır hiss edilirsə, məsləhətdir.

Şaftalı seçimində də, meyvənin ağırlığına fikir vermək lazımdır. Balaca olsa belə ağırsa, bu meyvənin sulu və yetişmiş olduğundandır. Tumu şaftalıdan asanlıqla ayrılırsa, düzgün seçim etmişsiniz. Şaftalını ələ götürdükdə, görünüşünə nisbətən daha ağırdırsa, məsləhətdir.

12. Qarpızların ağ çıxmaması üçün, ağır olan və saralmayanını seçin.

Qarpızı əlinizə alanda ağırlığını hiss etməlisiniz. Qabığı şüşə kimi və parlaq olmalıdır. Qarpızlar günəşin altında çox qaldıqda saralır. Bu da, çürüməkdə olduğunun əlamətidir. Bundan əlavə dərmanlanmış qarpızlarda qatı nişasta iyini duymaq olur. Buna görə də, qarpızın sadəcə ağırlığına və rənginə deyil, iyinə də fikir vermək lazımdır.

13. Qovunu iyləyib, əlində ağırlığını hiss edərək almaq lazımdır.

Qovunun iyi onun təzə və yetişmiş olduğunun xəbərçisidir. Bundan əlavə qabığının parlaqlığı da çox vacibdir. Qarpız kimi qovunu da əlinizdə ağırlığını hiss edərək alın. Qovun da, qarpız kimi ağır olmalıdır. Qovun ilə qarpızın fərqi, qovunun qarpızın əksinə qaldıqca ağırlaşması və dadının gözəlləşməsidir.