Saçlarınızın Daha Tez Yağlanmasının 8 Səbəbi

Saçlar insan xarici görünüşünün ən önəmli atributlarındandır. Bəzilərimiz isə, bu mövzunu daha da ciddi hala gətirərək gün boyu saçımızla oynar, xoşagəlməz görünüş olduğu zaman önəmli görüşlərimizi belə təxirə salırıq. Əminik ki, sizin də içinizdə bu fikirdə olanlar az deyil.

Bəs saçlarımızın daha az yağlanması üçün nələrə diqqət etməliyik?

  1. Duş qəbul etdikdən sonra daraq və dəsmalınızınız təmiz olduğundan əmin olun. Əks halda yeni yuyulmuş saçlarınızı az da olsa yenə yağlandıracaqsınız.
  2. Həddən artıq isti sudan istifadə etmək sizin saçlarınızı daha tez yağlandıracaqdır. Çünki, saç diblərində yağ ifraz edən örtük var və bu örtük dəri quruduqda yağ ifraz edərək saç diblərinin zədələnməsinin qarşısını almağa çalışar. Nəticədə daha yüksək temperator daha çox yağlanmaya səbəb olacaqdır.
  3. Saçlara daha tez-tez toxunmaq ve onları tarım şəkildə toplamaq yağlanmanın bir başqa səbəblərindəndir. Çünki, özünü müdafiə funksiyasına malik saç dibləri tarım şəkildə yığılmış saçın təhdid altında olduğunu güman edərək yağ ifraz etməyə başlar.
  4. Saçları tez-tez yumaq da onu sürətli yağlandıran bir digər səbəblərdəndir. Digər bir sözlə baş dərinizin tez-tez yululması onun daha çox quru olmasına səbəb olacaq və nəticədə saç dibləri yağlılığı yenidən bərpa etmək üçün əlavə yağ ifraz edəcəkdir.
  5. Yüksək dərəcədə saç quruducu vasitələrdən (fen) istifadə etmək də yuxarıda bəhs olunan şəkildə saç diblərini qurudacağından daha erkən yağlanma qaçılmaz olacaqdır. Bu baxımdan saçlarınızı ilk əvvəl dəsmalla qurudub, sonra aşağı temperatorlu qurutma aləti (fen) ilə yavaş-yavaş nəmliyi ortadan qaldırmaqda fayda var.
  6. Əgər saçlarınızı hər duş aldıqda bir neçə dəfə şampunla yuyursunuzsa, sonuncu mərhələdə şampunu saç diblərindən tamamı ilə təmizləməyə çalışmalısınız. Eyni zamanda, şampundan istifadə edərkən saçlarınızı ovuc içi ilə deyil, barmaq ucları ilə ovuşdurmalısınız. Çünki, yağlılıq saç diblərindən qaynaqlanır və siz barmaq ucları ilə baş dərinizə daha yaxşı toxuna bilərsiniz.
  7. Yağlı ərzaqlar yemək də saçların vaxtından tez yağlanmasına səbəb olacaqdır.
  8. Tüstü, duman və böyük şəhərlərin havası isə, şəhərdə yaşayan əksər insanların saç yağlanmalarındakı ortaq cəhətdir. Məsələnin həlli isə, zavodların fəaliyyətini dayandırması, avtomobillərin işləməməsi, ya da sizin böyük şəhəri tərk etməyiniz qədər çətindir.

Bununla bərabər, ilk 7 bənddə sayılan şərtlərə əməl edəcəyiniz təqdirdə saçlarınızdakı yağlanmanın böyük ölçüdə azaldığını görəcəksiniz. Burada bəhsolunanlar sadəcə gündəlik praktiki məsləhətlərdən ibarətdir. Əlbəttə ki, daha yaxşı nəticə əldə etmək üçün həkiminizlə məsləhətləşə bilərsiniz.

Rəylər

İlk rəyi yazaraq fikrinizi bizimlə paylaşın.

RƏY BİLDİR